10 жылдан астам уақыт бойы "Дара" қоры Алматы қаласындағы есту қабілеті бұзылған балаларға арналған № 5 мектеп-интернатында футбол секциясына қолдау көрсетіп келеді. Футбол жобасы аясында интернат аумағында футбол алаңы салынды, мектептің алаңы мен спорт залында қажетті жөндеу жұмыстары жүргізілді, ең бастысы, оқушылардың кәсіби жаттықтырушы-футболшымен үнемі футбол ойнауға мүмкіндігі бар.

Бұдан басқа, Қор жыл сайын команданың республикалық және халықаралық жарыстарға қатысуына ықпал етеді. Мысалы, футбол командасының Словакияда 17 жасқа дейінгі естімейтін балаларға арналған футзал бойынша халықаралық турнирлерде жеңіске жету тәжірибесі (алтын, күміс) бар!

Секцияның көптеген түлектері үшін футбол тек хобби немесе әуесқойлық ғана емес, сонымен бірге олардың болашағын байланыстыратын кәсіби жаттығуға айналған.