Әлемді ашамыз

Қазақстанда зағип балалар мен көру қабілеті қатты бұзылған балаларға арналған мекемелерге үлкен қажеттілік бар. Мысалы, Астанада 2014 жылға дейін арнайы түзету мекемесі, балабақша немесе зағип балаларға арналған мектептер жоқ болатын. Бұл категориядағы балалар да даму және әлеуметтенуге тым мұқтаж: ойын-сауық орындары және қарым-қатынасқа арналған арнайы жабдықталған алаңдар жоқ. Қор осы жағдайды өзгертуге көмектесетін болды:

2014 жылы Қордың қолдауымен көзі нашар көретін және зағип балаларға арналған түзету кабинеті ашылды.

2015 жылы алғаш рет №10 мектеп-гимназиясында зағип балаларға арналған дайындық сыныбы ашылды, олар қазір жалпы білім беру бағдарламасы аясында оқуларын жалғастыруда. Сынып арнайы жабдықпен, әдістемелік материалдармен және оқу әдебиеттерімен толық қамтамасыз етілді.

2017 жылы сыныпта әлеуметтік-тұрмыстық бағыттағы сабақтар өткізу үшін ӘТБ аймағы жасалды. Бірінші сыныпқа жаңа балаларды қабылдау өткізілді. Дене шынықтыру залы да жасалған болатын.

Сонымен қатар, демеушілердің қолдауымен Ақтау және Ақтөбе қалаларында осындай сыныптар ашылды.

Демеушілердің көмегімен сынып жиһаздармен, арнайы әдебиеттермен және оқулықтармен қамтамасыз етіліп қана қоймай, сонымен қатар рельефті-нүктелік жазу жиынтықтары, арнайы кеңсе техникасы (Брайль шрифтін қолдайтын), оқу машинасы, рельефті жазуға арналған арнайы қағазбен де жабдықталды. Алдында, елордалық әртүрлі мекемелерден келген мұғалімдер мен дефектологтар тобы Қордың ұйымдастырған семинарында Л. Брайльдің шрифтімен жазу және оқу Әдісін үйренген болатын. Сыныпта оқытатын пәндік мұғалімдердің кейбірі зағип балалармен жұмыс істеуге оқытылды. Дене шынықтыру мұғалімдеріне, шетелдік жаттықтырушылардың қатысуымен жеке мастер-класстар ұйымдастырылған болатын.

Сынып туралы және мұғалім Сауле Сағымбаева туралы бейнебаянды осында, сондай-ақ 2016-2017 жылдардағы бейнебаянды түрдегі есепті осында көре аласыздар.

Қор осы жобаны Қазақстанның басқа қалаларында зағип балаларға арналған білім беру мүмкіндіктерін кеңейту бойынша жалғастыруда. Бұл үшін мүдделі демеушілер, серіктестер және аймақтық білім беру Басқармаларын іздестірудеміз.

Елімізде Брайль шрифтіндегі оқу-әдістемелік материалдар мен әдебиеттер шығаруға, сондай-ақ зағип балалардың әлеуметтік-тұрмыстық бағыттылығы үшін мектеп алаңдарында арнайы құрал-жабдықтарды шығару қажеттіліге бар.

Жобаның бас демеушісі бірнеше жылдар бойы Қазақстандағы және Орталық Азиядағы KPMG компаниясы болып келеді. Сонымен қатар «Astana Food Festival», Қазақ географиялық қоғамы, корпоративтік Қайырымдылық форумы, «Байер КАЗ» ЖШС және Қор қораптарына жасалған жеке қайырымдылықтар көмектесіп келеді. Жоба Қазақстанның облыс орталықтарында зағип балалардың білім алу мүмкіндіктерін жасауға жаңа демеушілерді күтеді!

Жоба жаңалықтары

29103340_1976629279032661_8618747676457959424_n
15.03.2018 г. | 46
Зағип оқушыларды жазу машиналарында Брайльге үйрету

Зағип балаларға Брайльде оқуға және жазуға мүмкіндік беру – бұл сауаттылықтың, өзін-өзі қамтамасыз етудің және болашақта табысты жұмыс істеудің кілті. «Әлемді ашамыз» жобасының аясында ашылған арнайы сынып оқушыларымыз өз қолдарымен …

26229670_1907409745954615_8460484827148118116_n
11.01.2018 г. | 99
№10 мектепте голбол бойынша сабақтар

Өткен жылдың күзінен бастап біз №10 мектепте зағип және көру қабілеті нашар оқушыларға голбол ойнау бойынша сабақтар ұйымдастыруға көмектесіп келеміз. Голбол – бір команданың қарсыластың қақпасына бекітілген қоңыраумен допты салатын …

25552101_1885920641436859_8550596397685370459_n
22.12.2017 г. | 133
Аяз Ата Брайль шрифтін біледі!

Бүгін біз астаналық №10 мектептің зағип балаларға арналған арнайы сыныбында оқитын ақылды әрі өте дарынды оқушыларды құттықтадық. Балалар ән шырқады, өлеңдер айтты, би биледі және Аяз Атаны асыға күтті! Олар …